PACARAN VS JOMBLO
Irvina Lioni

Pacaran? Ape enaknye? Kagak bebas!

Jomblo? Kagak ada yang belai-belai dan teraktir! Huh, kagak enak juga!

Pacaran VS Jomblo. Dua hubungan status yang sangat kontras dan masih menjadi perdebatan bagi temen-temen semua. Apalagi buat yang bener-bener Islami banget, beuh pasti kan berkoar-koar, “Pacaran itu haram, mendekati zina, blablabla!!!”

Aku galau :'(((
Di dalem agama Islam, emang pacaran itu dilarang. Allah emang Maha Mengetahui. Dia tau kalo misalnye pacaran itu KEBANYAKAN memiliki mudharat ketimbang manfaatnye. Makanye dilarang. Ya tau sendiri, jaman sekarang itu udeh jarang ada orang yang pacaran cuman surat-suratan. Pasti musti ada pegangan, sentuhan, belaian, kecupan, ciuman, rabaan, dll.

Sekali lagi, KEBANYAKAN loh, ye. Gue kagak bilang semua orang kayak gitu. Dan tentu aje gue bisa ngomong KEBANYAKAN karena banyak temen-temen gue dan bahkan gue sendiri yang melakukan. Tapi kalo gue sih, untungnye selama ini pacarannye masih yang wajar-wajar aje. Maap-maap nih, mahkota gue cuman buat yang udeh halal. Gue masih waras kagak kayak cewe geblek yang mau ngasi badannye gitu aje ke cowo yang belom halal. Pret.

Ape? Kagak percaya gue masih perawan? Sini, nikahi gue aje. Pasti pas malem pertama, gue jejeritan gegara sakit baru dimasukin. ini ngomong apaan sih? halah akibat diceritain sama si tante soal beginian!

Pacaran jaman sekarang emang nyeremin. Bahkan gue dulu pernah pacaran sama cowo-cowo yang mupengnye kebangetan. Serem banget kalo pacar sendiri ngajakin bobo bareng. Emang gue cewe apakah? Mending tinggalin aje, deh.

HALALKAN AKU, BANG!!!!

Belom lagi kalo pacaran itu, selain mendekati zina, juga bisa bikin boros waktu, tenaga dan duit. Pffttt…

Tapi tetep aje, entahlah kenape banyak orang, termasuk kite, masih mau menjalani yang namanye PACARAN. Mungkin ini yang namanye gejolak darah muda. Ya udinlah, yang penting dosa ditanggung sendiri. Dan segala sesuatunye harus diterima dengan lapang dada dan bertanggung jawab.

JOMBLO. Nah soal status ini, gue tau kok sebenernye kagak enak juga ngejomblo. Kagak ada yang bisa diajak sayang-sayangan. Apelagi gue, yang setiap saat maunye dipeluuuuuuk mulu. Padahal kalo gue meluk cowo, keenakan cowonye ye. Ya itulah, namanye juga cinta buta. Kagak tau lah, pokonye kalo udeh punya cowo, bawaan pengen meluk mulu. Trus kalo gue jomblo, mau kagak mau ya gue cuman bisa meluk guling sama boneka.

Enaknye jomblo itu, ya tentu kite jadi bebas mau ngapain aje. Duit hemat, waktu pun bisa dipake buat melakukan hal-hal yang lebih bermanfaat. Dosa? Ya dosa mah pasti ada, emang kalo jomblo bakal kagak dapet dosa? Itu mah dikembaliin lagi ke masing-masing individunye. Kan biar jomblo seringkali ditemukan orang-orang yang masih kagak bisa jauh dari zina. Zina mata kayak nonton bokep, atau maen sabun dan lotion. Belom lagi kalo nonton tipi, artis-artisnye kebanyakan ngumbar paha dada kayak di KaEfCrot. Hadeeeeuh!!!

EAAAAA YANG COWO EAAAAA!!!

Ya apapun pilihannye. Dan apapun status hubungan kalian, gue sih tetep menghormati aje. Dan inget, jangan terlalu lebay dalam berpacaran. Jangan terlalu diumbar di social media, pokonye jangan pernah menyombongkan diri bahwa elo itu hebat karena berpacar. Apelagi kalo lo sampe memojokkan kaum jomblo mulu, bae-bae aje nanti karma dan lo jomblo lagi. Gue ngomong gini karena gue pernah kayak gini, makanye sekarang gue diem-diem ajelah kalo punya pacar.

Buat yang ngejomblo, ya kagak usah khawatir. Jodoh mah udeh disiapin sama Tuhan. Kalo mau diambil, nanti aje nunggu saat yang tepat.

Anyway, disini gue pun mau membahas soal macem-macem tipe Pacaran dan Jomblo. Menurut pemikiran gue sih. Plus, menurut pengalaman, deh. Huahahaha.

PACARAN. Nah pacaran ini menurut gue punya tiga tipe.

Pertama, Tipe DEMI PENCITRAAN. Biasanye yang pacarannye model begini karena …
a. Kagak mau dianggep kagak laku sama temen-temennye.
b. Buat panas-panasin hati mantan/gebetan lama.
c. Untuk yang memiliki orientasi seks menyimpang, biasanye punya pacar lawan jenis buat pencitraan di depan publik. Banyak nih artis Indonesia yang kayak gini. Hati-hati aje.
d. Untuk menghindari kejaran seorang pemuja rahasia yang GILA!

Hihhhh!!!

Yang pacarannye demi pencitraan, bisa jadi mereka punya pacar beneran tapi kagak bertahan lama, atau sekadar memiliki pacar bohongan/bayaran. Hayoo, ada yang pernah kayak gini, kagak?

Kedua, Tipe DEMI PELAMPIASAN. Pelampiasannye macem-macem :
a. Pelampiasan kebutuhan BIOLOGIS. Biasanye terjadi sama orang yang punya nafsu gede. Daripada NYEWA, mending yang gratisan yaitu dengan cara memperdaya si pacar.
b. Pelampiasan demi memuaskan kebutuhan bulanan dan nafsu SHOPPING. Biasanye dilakuin sama orang matre.
c. Pelampiasan dendam. Misal, gue pernah diselingkuhin sama mantan, nah gue pengen ngebalesnye dengan cara selingkuhin pacar gue yang baru. (Ini cuman contoh, ye. Gue kagak pernah selingkuh!).

Ketiga, Tipe DEMI MASA DEPAN. Biasanye sih berakhir dengan MENIKAH. Nah, tipe ini nih yang masih susah dilakuin. Soalnye seringkali ada yang punya rencana mau serius, eh kagak jadi, deh. Ya namanye juga manusia cuman bisa berencana, Tuhan yang menentukan.

Sekarang JOMBLO. JOMBLO pun punya beberapa tipe.

Pertama, TIPE SUSAH MOVE ON. Mereka jomblo karena belom bisa melupakan bayang-bayang mantan. Halah. HARE GENE GETOH?

Emang cara move on gimane sih?

Kedua, TIPE PEMILIH. Mereka terlalu milih, karena mereka bener-bener kagak mau salah pilih lagi. Awas, jangan sampe kelamaan milih, ye. Dan jangan pasang terlalu mahal, nyadar diri jangan lupa!

Ketiga, TIPE PASRAH. Mereka pasrah dengan keadaan. Tapi biasanye tetep enjoy aje menjalani hidupnye. Kalo ada yang klik juga pasti diembat. Mumpung masih bisa dapet, kenape nolak?

Gimane? Kalian termasuk tipe PACARAN atau JOMBLO yang mane, nih? Hohoho.

Oke, kagak penting banget yak gue ngomong beginian. Tapi dipenting-pentingin aje deh, buat nambah-nambah isi blog. Muahahaha!!!

Ya pokoknye, mau pacaran kek mau jomblo kek, sono aje. Yang penting jalani dengan rasa lapang dada dan bertanggung jawab, ye. Sekian dan terimakasih.